Oблеката која си ја избрала во договор со твојата пријателка и победничкиот став не се единствените сојузници на твојот прв состанок. Девојките и онака носат големи чанти, па корисно би било во нив да ставите некои од овие работи...

1.Лабело
Неколку слоеви од мрсното лабело и ќе ги решиш сите оние ситни недостатоци кои настануваат поради лупење. Ако момците нешто забележуваат тогаш тоа се испуканите усни.

2.Марамчиња
Неизбежни за во женската чанта. Истурен сок, нос кој токму сега одлучил да потече или тоалет без хартија нема да влијаат на твојот состанок ако имаш барем едно пакетче марамчиња.

3.Таблета за глава
Оној еден пат кога нависитна ќе те заболи глава на состанок може сосема да ја уништи вечерта. Наместо да си одиш дома порано поради една главоболка, едноставно посегни по таблетата и заврши го разговорот како што сакаш.

4.Дезодоранс
Совршената гардероба и многуте теми за разговор нема ништо да ти значат ако цело време се грижиш за мирисот кој можеби се шири околу тебе. Дезодорансите денес ги има во секакви амбалажи и големини, а еден мал во твојата чанта може да направи разлика меѓу одличен и грозен состанок.

5.Тампон
Понекогаш циклусот знае да не изненади во најлош момент. Можеби поради нервоза, можеби поради времето, а можеби и поради самиот факт дека нешто треба да ти го расипе состанокот - циклусот може да стане твој најголем непријател. Наместо да се грижиш за тоа кога треба да дојде, едноставно секогаш имај тампон во чантата и биди подготвена за изненадување.

6.Пари
Иако би било убаво момчето да ја плати сметката на првиот состанок, тоа никогаш не смееш да го очекуваш како завршена работа. Наместо да делуваш како спонзоруша, земи си пари за секој случај, за да не бидеш нпријатно изненадена. Исто така, секогаш предлагај да ја поделите сметката.

7.Мастики
Или бомбони од пеперминт, сеедно. Во секој случај, мора да се обезбедиш за првиот бакнеж да нема вкус на храната која сте ја јаделе, затоа што тоа ќе ја убие целата романтика.