Паровите чија врска започнала како "шема" за една ноќ, имаат еднакво квалитетен однос како оние кои чекале одредено времe пред стапување во сексуални односи. Што мислите вие, дали понекогаш љубовта се раѓа од сексот?...

Врската за една ноќ обично ја перцепираме како нешто негативно, а личностите кои се склони кон нив многу бргу заработуваат не баш ласкава репутација. Но, новото истражување на научниците од универзитето во Ајова дава сосема друго светло на таквата ситуација. Сексот на првиот состанок не е она што одлучува за иднината на врската, она што ќе го одреди вашиот однос со потенцијалниот партнер е тоа како ќе се однесувате наутро.

Социологот Ентони Паик спровел истражување кое се занимавало со сексуалните навики во кое учествувале 642 лица, а заклучил дека односите кои започнуваат со секс не се нужно осудени на пропаст. Клучно е мислењето на партнерот за потенцијалната врска. Иако ова истражување покажало дека "просечниот" квалитет на врската е оценет како "виши" во случаите кога партнерите во сексуални односи се впуштиле откако врската станала сериозна, сепак ниту сексот на првиот состанок не е нужен "виновник" за неуспехот на врската.

При анализа на резултатите од истражувањето, кога се исклучиле само оние кои нависитна сакале само секс за една ноќ, но не и врска, се покажало дека на квалитетот на односот воопшто не влијае тоа дали ќе завршите во кревет на првиот состанок или ќе чекате некое време. Кога луѓето сакаат врска, и не ја исклучуваат таа можност, тогаш е можно да изградат квалитетен однос заснован на љубов иако се започнало со секс, пренесува Daily Mail.

"Нема никакви докази дека врските кои започнале како 'шема' за една ноќ се лоши, ниту дека во таквите слуачаи луѓето се помалку среќни. Понекогаш сексот на првиот состанок бил почеток на врска, вистинска љубов за цел живот", изјавил Паик.