Врската може да се спаси ако и двајцата го сакате тоа, но понекогаш е време да прекинете и ја побарате среќата со некој друг. Ова се знаци дека вашето време за прекин дошло...

1.Повеќе негативно отколку позитивно
Понекогаш е навистина многу едноставно. Ако составиш список од добрите и лоши страна на врската, а оние лошите се далеку побројни, можеби е време да пронајдеш некој со кого ќе имаш повеќе добри моменти.

2.Тоа што го сакаше сега те нервира
Неговите мали навики предходно ти беа слатки, а сега начинот на кој ги мие забите толку те нервира што би можела да го истепаш? Не се променила неговата навика, туку ти кон неа, поради недостаток на љубов.

3.Сакаш да бидеш некаде на друго место
На почетокот на врската сакаме секој слободен момент да го поминеме заедно, но со време тоа чувство се губи. Ако повеќе би сакала да бидеш некаде на друго место, само да не си со него, време е да се запрашаш за вашата врска.

4.Постојано се карате околу исти работи
Кавгите можат да бидат многу конструктивни, но ако и после цело ова време сеуште се расправате за нешто што одамна требало да го решите, едноставно ви нема спас.

5.Окото ти шета
Претходно не ги забележуваше згодните момчиња кои флертуваа со тебе, а сега секое од нив ти изгледа како идеално во споредба со твоето? Природно е тука и таму да фрлиш око, но ако не можеш да го тргнеш погледот од некој друг, значи дека ти недостига привлечност кон својот сегашен дечко.