Тешко се добива, лесно се губи. Што е тоа? Довербата е една од најважните работи, ако сакате да уживате во среќна и вечна љубов. Но полесно и побрзо би се вљубиле, отколку да му верувате на некого. Како се добива доверба?...
Недостатокот на доверба објаснува зошто вашата врска е некако површина, а вашиот партнер не е вашиот најдобар пријател исопатник во животот. Недостасува споделувањето на најдобрите сокриени мисли и чувства, недостасува да истражувате. Довербата е елексир кој ја тера љубовта да цвета. Без неа таа умира.
Недостатокот на доверба води и до несигурност и несвесно одземање на слободата на другиот. "Каде беше? Зошто се задржа толку", "Нема да излегуваш со момчињата без мене!", "Која е таа, која се сликала со тебе? Ти си ми верен!?" Ако наместо "Здраво", ги употребувате овие или слични реченици, тоа зборува за недостаток на доверба, па тогаш вашата врска дефинитивно не е на вистинскиот пат. Колку и да ви е тешко, водете се од приказната "Пушти ја птицата на слобода, ако те сака, ќе се врати!" Во спротивно, недостатокот на доверба и стремежот за контрола побрзо ќе ја одбие отколку да ја задржи љубовта.
Како сепак да му верувате повторно, па макар да станува збор и за друг човек, кога довербата еднаш веќе била предадена и била причина за разделба? Прво верувајте во себе, бидејќи довербата кон другите е продолжение на довербата во вас самите. Имате две опции - да ја надминете својата претходна траума или цел живот да ги лижете раните, претворајќи се во емоционален инвалид.
