Жените навистина се разгоруваат при средба со претставник на спротивниот пол, утврдија шкотски научници...

Психолозите од Универзитетот Сент Ендрјус во Шкотска открија дека дури и обичен социјален контакт доведува до зголемување на телесната температура на дамите. Температурата на лицето на жените се зголемува повеќе при средба со маж, отколку со жена.

Научниците измериле мало, но сепак значајно зголемување на температурата на лицето на жените учеснички во истражувањето. Допирот за две секунди на лицето и градите, дефинирани како "силно интимни области", има поголем ефект од допирот на рацете и дланките.

Физичкиот контакт исто така стимулира топлината, кога тој е спроведен од претставник на спротивниот пол.

На 16 млади доброволки на просечна возраст од 21 години им била следена бојата на кожата со слаб светлосен уред. Термалните камери се користат за да се направи мерење на температурата од различни области на лицето.

Научниците утврдиле дека социјалните контакти предизвикуваат просечна промена на температурата за 0,1 степени Целзиусови.
Претходни истражувања покажаа дека температурата на лицето и на телото се зголемува за време на сексуалната возбуда.

Познато е дека стравот и стресот исто така ја зголемуваат температурата на лицето. Кај возрасните стресот предизвикан од лага или извршување на тешки ментални задачи доведува до зголемување на температурата на кожата на челото и околу очите.