Фасцинантно е како до пред некој ден бевте неразделни, а денес веќе прекинувате. Но друга е ситуацијата кога оставаш ти, а друга е кога те оставаат тебе. На сите им е тешко да го поднесат прекинот на врската кога сме ние оставената страна, а тоа посебно се однесува на мажите. Иако ниту еден прекин не е убаво искуство, не значи дека односот мора да заврши со викање и солзи. Освен што треба да имаме осет кон туѓите чувства, еве уште неколку работи на кои треба да припазите...

Ублажете го ударот
Немој последните зборови кои ќе му ги упатиш да бидат нешто како "Можеби сексот да беше подобар..." или "Извини, но Марко е посигурна личност околку ти...". Избегнувај било какво укажување на недостатоци, а ако не можеш да се сетиш на ништо позитивно, послужи се со некои мали лаги. Сигурно сме дека го можеш тоа!

Прекин преку порака
Прекинот преку порака е полош и од писмото кое започнува со "Драги Иване" кое служело како ултимативен начин за прекин пред појава на мобилните. Сепак, никој не заслужива да дознае дека неговата врска завршила во 160 знаци или помалку.

Влечење за нос
Нема ништо полошо од влечење на другата личност за нос, посебно ако од поодамна си се изладила од истата. Другата страна поради тоа ќе се чувствува огорчено, а нема да помогнат ни тон изговори кои ќе сакаш да ги изговориш. Ако не сакаш некого, остави го во моментот кога си сигурна во тоа, а не во мометот кога мислиш дека е прикладно.

Некои работи задржи ги за себе
Се заљуби во неговиот потенцијал но набргу реалноста те удри во глава - не можеш да го поднесеш начинот на кој се смее, а неговото хрчење ти е неподносливо толку многу што редовно се будиш на каучот во дневната соба. Иако тие работи ти го креваат притисокот, тој не мора да го знае тоа. На крај крајот, која е целта? Ако не сакаш да псуе на самата помисла на тебе, воздржи се од таквите изјави.

Не барај пријателство
Искрено, кој од својата љубов сака да слушне дека сака да и биде само пријател. Преводот на оваа изјава би гласел вака: "Не те сакам во својот живот, освен тогаш кога мене ми одговара". Наместо тоа објасни му дека му е потребно време и дека ќе се најдете еден ден кога ќе може да седне на кафе со тебе и да разговара нормално како ништо да не се случило.