Тешко ти е да се опуштиш на првиот состанок па склона си кон чашата, што не би било проблем доколку знаеш да си поставиш граница. Исто така, сакаш да глумиш недостапна девојка која оди по состаноци, додека пак дома постојано зјапаш во последната реприза од популарната серија на телевизија. Следат неколку лоши навики кои ги повторуваш со секој потенцијален партнер, а од кои треба веднаш а се ослободиш...
Премногу пиење
Едно е да зборуваш за филозофијата на животот со неколку пијачки, но друго е да се опуштиш толку што твојот партнер после неколку чаши повеќе ќе мора да те бара под шанк. Понекогаш слаткиот и вкусен пијалок знае многу лесно да не измами и да не натера да помислиме дека не ни е ништо....Се до моментот кога ќе станаме од столче и кога нашиот задник со брзина на молња се доближи до подот.
Преголема достапност
Немој да брзаш никаде и остави работите да се одвиваат по природен тек. Не мора веднаш да го следиш на Твитер, да го додадеш на Фејсбук и да му бидеш достапна 24/7. На почетокот ќе сакаш да го гледаш секој ден, но во распоредот остави место и за своите пријателки и останатите активности.
Премала достапност
Веруваме дека си зафатена девојка, но да глумиш уште поголема недостапност не фер кон твојот потенцијален дечко. Таквите игри сигурно ќе го отфрлат од тебе, затоа што ако организирањето на состанок со него ти е многу тешко, веројатно ќе помисли дека со тек на време ќе бидеш само уште полоша.
Покажување премногу кожа
Вредно работиш на своето тело и не се плашиш да го покажеш, што сметаме дека е сосма во ред. Но да излезеш со трака на градите и мини сукна која едвај ти го сокрива задникот е повеќе од невкусно. Освен тоа, на луѓето околу тебе им праќаш лоша порака, особено на припадниците на посилниот пол. Сите сакаат да видат убаво женско тело, но доволно си возрасна да ја знаеш разликата меѓу плажа и кафичот во град.
Вежбање строгост
Разбираме дека некои работи не се вредни за компромис, но да вежбаш строгост на себе и својот партнер, ќе ја убиеш целата потенцијална радост и забава која ја носат состаноцие сами по себе. Малку смелост и слободен дух ќе ти бидат нависина од корист.
