Иако по медиумите секојдневно можеме да најдеме многу совети како да го подобриме сексуалниот однос со партнерот статистиката покажува како се повеќе парови имаат проблеми токму во тоа подрачје, а причините не се ништо друго туку изговорите. За да им помогнеме на ониe кои се влезени во оваа статистика ви ги претставуваме најчестите изговори кои го уништуваат либидото...

1.Еден или и двата партнери постојано се уморни
Ова е изговорот кој се јавува многу често а тоа го потврдуваат и голем број на парови. Причината за тоа е што сексот се наоѓа многу ниско на вашата листа на приоритети. Не чувајте го сексот за крајот на денот кога веќе сте изморени и спремни за спиење. Кога ќе дојдете дома, готвите, миете чинии, ги собирате нечистите алишта, ја гледате омилената серија па така не ви останува сила за овој многу важен сегмент. Активирајте се веднаш после работа или после вечерата и нека сексот ви биде начин да се опуштите.

2.Не сте депилирани, немате подготвено свеќи, шампањ и јагоди
Кога со некој ја делите постелата и животот тогаш нормално дека нема секогаш да изгледате беспрекорно. Не правете драма од ситници затоа што мажот пред вас ве сака со влакна и без нив. Исто така, бидете спонтани. Убаво е од време на време да организирате роматично водење љубов, но понекогаш спонтаниот секс е многу подобар од големите планови.

3.Вие сте утрински, а тој ноќен тип
Ако сакате да бидете во врска мора да бидете спремни на компромиси. Истото важи и за сексот. Не бидете тврдоглави и пробајте да се најдете на половина пат. Изненадете го со едно еротско будење и веруваме дека нема да може да му одолее.

4.Не сте 100% загреани
Сексот е нешто како одење на тренинг. Кога ќе дојде тој момент баш и не сте расположени, но кога ќе почне акцијата знаете дека сте донеле вистинска одлука. Вистината е дека брзиот начин на живот и стрес влијаат на нашето расположение, но пробајте сексот да го користите како анти-стрес терапија и ќе видите дека нависитна делува.

5.Не се чувствувате привлечно
Нормално дека со годините и нашето тело не е како што било порано, но ваше е да почнете да се трудите и да поработите на својот сексапил. Пробајте да ја промените исхраната и начинот на живот, а ако не се работи за опуштени бедра и стомачни не постои нешто што долната облека не може да го направи неодоливо.