Tретиот состанок беше совршен - се смеевте и одлично си поминавте заедно. После тоа, осум дена - ништо! Не одговара на твоите повици ниту пораки. Го проверуваш неговиот Фејсбук профил во надеж дека твојот сакан не е жртва на сообраќајна несреќа. Наместо да одиш и да проверуваш дали со твојот моболен телефон е се во ред, имај ги на ум следниве работи...

Не е проблемот во тебе, во него е
Постојат еден куп причини поради кои некој одлучил да не се јави, а многу од нив не се поврзани со тебе. Можеби и се вратил на својата бивша девојка, можеби е во период на гледање филмски маратон, можеби отишол кај нова фризерка која го "средила" онака како што неможел ни да замисли итн.

Проблемот е во тебе
Ок, можеби твојата шега за Јеховите сведоци ја сватил како навреда. Можеби бил онлајн на твојот профил и се исплашил од сите оние фотографии од тебе и мачки? За што и да се работи, ќе излезе на површина порано или подоцна. Поради тоа, биди среќна што се заврши на време. Всушност те спасил од залудно вложување на труд и енергија.

Има многу риби во морето
А твојата рибичка ионака веројатно била заразена од салмонела! Не мислиме буквално туку дека не вреди да го трошиш свпето време со него. Сети се само на оние чудни тензии откако изјави дека обожуваш мачки и дека дома имаш повеќе од две! Мажите често пати љубовта кон мачките ја поврзуваат со самотијата и дека тие се твоето единствено друштво.

Подобро да сакаш и изгубиш, отколку да не сакаш воопшто
После кавгата со него, свати дека покрај себе не сакаш човек кој не сака животни, а си пронајде и ново друштво со кое ја делиш истата смисла за хумор.