Изгледа дека пролетта е вистинско време за љубов, барем така тврдат научниците. Заљубеноста во овој период од годината ја потикнуваат природни и културни фактори, објаснува Џули Албрит, професорка по социологија на USC универизтетот...

Културни и природни фактори
Што се однесува до природните фактори, голема улога играат "животинските" нагоди и времето. "Програмирани сме да реагираме на сексуалните сигнали како што е заобленото женско тело или машката мускулеста градба. Зимата температурите се ниски па поради тоа луѓето на себе ставаат повеќе облека за да им биде што потопло, а надвор излегуваат што е можно поретко. Поради тоа, не само што се помали шансите да запознаете некого, воедно е и тешко да ги "соберете" сексуалните сигнали од некој кој на себе носи еден куп облека. Со пристигнувањето на пролетта таквите работи се менуваат", објаснила Џули.

Што се однесува пак на културните фактори, многу парови кои се во разнишани односи носат одлука за заеднички живот во текот на зимските празници за да не бидат осамени, но со почетокот на новата година расте мотивацијата за прекин на врската, а додека со доаѓањето на пролетта луѓето се веќе спремени за состаноци и нови врски.

Науката и пролетта
Ви прилог на тврдењата на Џули се и научните истражувања. Имено, многу научниците укажуваат на важноста на мелатонинот - хормон кој произведува епифриз, кој пак ги регулира останатите хормони и ритамот на организмот.

Зголеменото ниво од овој хормон предизвикува замор и успореност. Како што деновите во пролет стануваат се подолги, така телото произведува помалку мелатонин, со што расте и нивото на енергија.

Вреди да се напомене дека во текот на зимсите денови примаме помалку сончева светлина, што е причина за депресивно расположение, но таквата сезонска депресија поминува со доаѓањето на зголемената концентрација на сончевите зраци.

Значи, љубовта доаѓа со весело расположение, подолги денови и помалку облека!