Поделбата на пријателите кои ги делевте како пар може да биде напорна и болна, не само за вас, туку и за самите нив. Иако поделбата е различна од врска до врска и зависи од многу работи, а некои правила сепак важат:...

1.Негов најдобар пријател
Овде нема никакви прашања. Освен ако не си го изневерила со неговиот најдобар пријател, твојот бивши ќе го задржи. Ако сте прекинале и сега сте пријатели, јасно е дека можеш да продолжиш да се дружиш со него, но никогаш не смееш да очекуваш дека неговиот најдобар другар ќе биде на твоја страна, дури и тогаш кога твојот бивши е виновен. Исто како што твојата најдобра пријателка останува со тебе.

2.Пријатели со кои те запознал тој
Луѓето кои си ги запознала благодарение на него можат да бидат и твои и негови пријатели, но ако се доволно блиски со него, биди спремна поретко да ги гледаш. Ако немаат време за двајцата, веројатно ќе го изберат него.

3.Луѓе кои сте ги запознале заедно
Овде се работи за поделба на интереси. Дури и ако сте ги запознале заедно, секогаш било очигледно дека повеќе се наклонети нему или тебе, па така и ќе се поделат. Во вакви ситуации девојките најчесто продолжуваат да се дружат со другите девојки, а момчињата меѓусебно се зближуваат, така што и двајцата сте во добивка.

4.Негова сестра
Иако би требала да му припадне нему, не е невообичаено ако сестрата продолжи да се дружи со бившата девојка на брат и. Ако не си го повредила, нема причина вие две да не продолжите да се дружите, но ќе мораш помалку да зборуваш за него, затоа што со тоа ќе ја ставиш во незгодна ситуација.