Повеќето самци одат во кафичи и клубови со цел да запознаат потенцијални партнери. Секоја чест за исклучоците, но тоа ретко завршува со квалитетна врска. Се работи за тоа што во многу случаи и двајцата партнери се под дејство на алкохол па со самото тоа врската не е некоја што ветува. Ви носиме неколку одлични места за запознавање на соло момчиња...

Онлајн
Секако, и овој вид на запознавање носи свои ризици. Првиот е тоа што незнаеш колку е искрена личноста со која комуницираш, и не можеш да бидеш сигурна дали си единствента за која тој толку се "запалил" или си само уште една од многуте. Друг, но не и помалку битен факт е тоа што интернет е легло на манијаци кои сакаат да бидат онлајн затоа што така полесно пронаоѓаат слични на себе. Но, се на се, има многу добри врски кои произлегле токму од темелно познанство склопено по пат на интернет.

Курсеви
Одличен начин да отепате две муви со едно замавнување. На курс одиш затоа што сакаш да го прошириш своето знаење, но имај на памет дека тоа е совршено место за запознавање на амабициозен партнер со кој делиш слични интереси.

Венчавки
На венчавките се е во знакот на љубовта, што честопати им претставува товар на оние кои се сингл. Па зошто да не се запознаеш со згодното момче кое седи на твојата маса, можеби сака да танцува? Само внимавај да не сте во некоја роднинска врска пред да влезете во љубовна.

Теретана
Со момче кое ќе го запознаеш во теретана те врзува фактот дека и двајцата се грижите за своите тела, што е одличен почеток. Освен тоа, во текот на вежбањето се испушта ендрофин - биохемиско соединение кои е заслужно за чувството на задоволство и среќа, па така и двајцата ќе бидете во еуфорично расположение.

Заеднички пријатели
Ова е можеби најдобар начин од сите наведени со оглед на претпоставката дека се работи за пријатели кои те познаваат доволно добро за да знаат што ти се допаѓа, а што не. Да го нагласиме и фактот дека и двајцата веројатно делите слични интереси имајќи во предвид дека делите и заеднички пријатели.