Технологијата одамна еволуираше, но претставниците на посилниот пол и понатаму го преферираат класичниот телефонски разговор пред пораката, покажува новото истражување...

Неодамнешното истражување покажа дека повеќето мажи сакаат да комуницираат со девојката лице во лице. Тие сакаат да ја бакнат во живо отколку да и пишуваат дека ќе го сторат тоа. За нив пораките се најтешкиот дел во изградбата на односите.

Жените пак ги прифаќаат пораките како лесен и ефикасен начин за флерт. Посилниот пол се плаши од реакцијата која може да предизвика неговата порака. 32% од испитаниците велат дека најтешкиот дел во запознавањето се купиштата СМС-и кои ги добиваат, додека 22% сметаат дека тоа е начин да се избегне непријатноста од разговор. 12% признаваат дека полесно наоѓаат храброст да кажат што чувствуваат во лице отколку преку мобилен.