Се палиш на лоши момци? Виновни се хормоните...

За време на овулација, хормоните влијаат на процената на жените во поглед на изборот на потенцијалните татковци на нивните потомци, па редовно се одлучуваат за оние кои се повеќе секси отколку за оние кои се посигурни.

"Претходните студии покажаа дека жените една недела пред овулацијата ги привлекуваат секси, бунтовни и згодни мажи, како Џорџ Клуни или Џејмс Бонд, но досега беше сосема нејасно зошто се впуштаат во сериозна врска со ваков вид на мажи", вели Кристина Дуранте, раководител на истражувањето спроведено на универзитетот во Тексас.

Во текот на истражувањето жените прегледувале онлајн профили на секси мажи и на сигурни мажи, за време на високо и ниско ниво на плодност. Жените требало да ја оценуваат потенцијалната способноста на мажот да се грижи за детето и домашните задачи, како одење во продаваница и готвење. Непосредно пред и за време на овулацијата, жените повеќе верувале дека секси мажите повеќе ќе придонесат во домашните обврски.

"Под влијание на хормоните предизвикани од овулацијата, жените се залажуваат дека секси, лошите момци ќе станат верни партнери и подобри татковци. Гледајќи низ овулациските очила г-дин Погрешен станува г-дин Совршен", вели Дуранте.

И повторно добиваме добра причина за своите неразумни постапки да ги обвинуваме хормоните, бидејќи токму тие не спречуваат да излегуваме со добри момци.