Сексуалната желба на жените го достигнува својот врв во 23 часот во сабота, покажa едно британско истражување...

Откритието е дел од статистиката, добиено како резултат на британското национално истражување на вистината за женското либидо. Иако над три четвртини од Британците се задоволни од сексуалниот живот, голем процент го обвиниле натрупаниот работен распоред и недостатокот на слободно време за намаленото расположение за секс.

Жените од Шкотска и жените од Јужен Велс се најзадоволни во спалната соба (82%), а најнезадоволни се жените од Ирска (30%). Сепак Ирците имаат најмногу секс - повеќе од три пати неделно односно 42%, следни се Лондон и Велс односно 33% и 29%. И покрај тоа што Велика Британија е позната по лошата клима, дури 40% од Британците се откажувале од традиционалниот имиџ и имаат секс на отворено.

Минатата година едно истражување на Лондонската школа за економија утврди дека четврток наутро е најдобро време за секс. Според истражувањето тоа е времето кога природните нивоа на хормонот користол, кој ги стимулира половите хормони, ја достигнува својата кулминација.

Освен тоа, нивото на половите хормони тестостерон кај мажите и естроген кај жените се пет пати повисоки во почетокот на овој ден.