Бизнисот со вибратори цвета. Се чини дека еротските додатоци се претвораат во еден од најпопуларните уреди во светот. На пат се да застанат рамо до рамо дури и со смарт телефоните...

Според листата на реномирани изданија, продажбата на секс играчките за оваа година ќе скокнe на 250 милиони фунти. Резултатите покажуваат дека корисниците во Северна Америка трошат во просек 500 милиони долари годишно за слични производи.

По се изгледа дека играчките наменети за во кревет, се отпорни на рецесијата. Можно е економскиот пад дури и да ја потхрани нивнта продажба, истакна Стефан Далакиан - сопственик на Парис Инмејтс.

"Во време кога невработеноста е висока, а парите во банката - помалку, луѓето го поминуваат времето со други активности", објасни тој. А и одлуката на индустријата да се пресели на интернет, што гарантира анонимноста на клиентите, исто така е важен фактор.

Но, за зголемената трговија со секс играчки може да има уште една причина. Водечките таблоиди велат дека бројните дискусии со познати личности, кои разговараат за сексуалните фантазии, исто така придонеле за овој бум. Такви емисии се британската "Повеќе секс молиме" и Серијата "Сексот и градот", која одвои цела епизода за љубовта на Шарлот кон вибраторот "Бисерениот Зајак".

Жените како и мажите почнуваат да ги примаат електронските уреди се поблиску до своите срца. Истражување кое беше спроведено во ноември минатата година покажа дека 50% од Американките користат вибратор, а 70% од мажите во САД не се противат да ги користат и за време на сексуалениот однос. Мнозинство од испитаниците дури истакнуваат дека овие направи "се здрав дел од сексуалниот живот на голем број жени."