Неко мажи едноставно не се заинтересирани за впушање во (пре)длабоки односи, а зборот "брак" не е составен дел од нивниот вокабулар. Некои не се чувствуваат спремно, додека пак други тоа не го сакаат а ниту пак ќе го сакаат. Годините овде не играат никаква улога - мажите во 40-тите можат да бидат подеднакво неподготвени како и оние во 20-тите. Повеќето од неженетите ќе кажат дека тоа е така затоа што не успеале да ја најдат "вистинската", кога би биле малку искрени кон самите себе, треба да признаат дека барем една жена од нивното миното била вредна за женење. Поради тоа поставуваме прашање: "Зошто мажите оснауваат соло", и објавуваме некои од можните одговори...

Слобода
Некои момчиња се заљубени во својата слобода која љубоморно ја чуваат од женски напад. Не мораат никому да му дават сметка, а тоа е она што најмногу го ценат па дури повеќе и од љубовта.

Возбуда
Секое одење до продавница или работа им претставува потенцијална авантура во која можеби ќе запознаат некој занимлив, некој кој ќе биде вреден за нивното внимание. Излегувањата се претвораат во лов исполнет со адреналин и тестостерон од кои се зависни поради што се однесуваат како класични наркомани на кој им е потребен нов "шут".

Фантазија
Секој маж во главата има слика, две или три, од својата идеална жена од фантазиите. Со оглед на тоа дека повеќето жени не се совпаѓаат со таа совршена слика, многу од нив нема да се согласат на ништо туку ќе продолжат да бараат понатаму. За жал, таа потрага ќе отиде до недоглед, имајќи во предвид дека "совршенство" какво што тие бараат не постои. Ако се врзат со нормална жена од крв и месо, можеби ќе ја пропуштат својата прилика да завршат со својата Барби од фантазиите.

Страв од одговорност
Со самиот брак доаѓаат големи одговорности, а со децата уште толку поголеми, што може да биде застрашувачки за нив. Трошоците растат, ноќите остануваат неспиени, се менуваат пелени, жените се исцрпени. Некои мажи не сакаат да се најдат во ист кош со овие работи. Подобро ќе пијат пиво во својот долен веш и ќе размислуваат за својата Барби.

Детски поглед на светот
Добриот брак се темели на давање и примање. Да се биде родител значи од себе да се дава 100% без очекувања дека ќе добиете нешто за возврат. Детинестите мажи се неопишливо себични, а нивна единствена преокупација е да го добијат тоа што го сакаат кога сакаат.