Мажите и жените кои секој ден пијат по една чаша сок од калинка, го зголемуваат нивото на тестостерон во организмот, што е слично на влијанието на вијагра...

Зголемените концентрации на споменатиот хормон водат до зајакнување на сексуалната желба и кај двата пола. Калинката се препорачува од истражувачите од универзитетот "Квин Маргарет" во Единбург, како еден од најдобрите природни афродизијаци.

Научниците спровеле обиди со 58 волонтери на возраст меѓу 21 и 64 години во текот на две недели. Тие секој ден пиеле по една чаша сок од калинка На крајот од експериментот кај учесниците значително се зголемило нивото на тестостерон.

Кај мажите била забележана поголема влакнатост на лицето, изолирање на гласот и зголемено либидо. Кај жените, исто така, било констатирана зголемена сексуална желба, зајакнување на коските и на мускулите. Како додатен ефект тестостеронот го подобрува расположението и меморијата и ослободува од стрес.

Претходните истражувања на сокот од калинка откриле дека тој е со висока содржина на антиоксиданси, кои штитат од болести на срцето и ја подобруваат циркулацијата.