Дали сте заљубени? Да, тоа е прекрасно чувство, иако понекогаш се однесувате малку чудно...
Еве какви глупости прават заљубените луѓе:
Се појавуваат на местата на кои мислат дека ќе ја сретнат симпатијата
“Еј, од каде ти тука?”, па уште и се прават "наудрени" дека не ни помислиле оти ќе се сретнат баш на тоа место.
Го читаат и нејзиниот/неговиот хороскоп
Некои луѓе веруваат во хороскоп и редовно го читаат, но ако го читаaт и хороскопот за својата симпатија, е тогаш ептен "се зацапале".
Го гуглаат името на симпатијата
Интересирањето за друга личност е добро, ама истражување на неjзиното минато, без нејзино знаење, е премногу.
Го бараат неговото најблиско семејство на Фејсбук
Заљубените поминуваат часови и часови шпионирајќи ги профилите на семејството и бившите на симпатијата. Може и да се случи да ги гледаат фотографиите на неговата мајка и да си замислуваат како таа ќе изгледа на нивната свадба. СТОП!
Ги комбинираат презимињата
Можеби симпатијата не ни знае дека постојат, а тие ги комбинираат презимињата. Девојките дури и го вежбаат потписот со “новото” презиме.
Се сложуваат со сѐ што ќе каже
Сѐ што ќе излезе од неговата/нејзината уста им се допаѓа. А дали слушнале дека спротивностите се привлекуваат?
Ја вежбаат можната конверзација
Застануваат пред огледало и го вежбаат целиот разговор, до кој можеби и никогаш нема да дојде, ако бидеме искрени.
Потполно го/ја игнорираат
Кога тој/таа ќе им се приближи се прават дека не го препознаваат или како воопшто да не им се допаѓа. А дали размислиле дека ако сакаат да го подигнат својот однос на повисоко ниво, кога-тогаш ќе мораат да воспостават нормална комуникација.
