Во просек, човек се вљубува четири пати во животот, покажува едно британско истражување...

Околу 75 проценти од учесниците во истражувањето признале дека се вљубиле најмалку еднаш пред да наполнат 20 години.

Истражувачите утврдиле дека испитаниците најчесто создале семејство на 27-годишна возраст. Но повеќе од 40 проценти од нив признале дека избрале друг човек, односно човекот со кој создале семејство не бил тој кон којшто имале најсилни чувства.

Околу 61 проценти од испитаниците признале дека жалат што го оставиле „единствениот” да си замине и создале семејство со друг човек. 

Истражувањето, кое го спровела компанијата “Opera North” на околу 2.000 Британци, покажало дека 33 проценти склучиле брак со првата љубов. 

41 процент од Британците рекле дека се вљубиле во погрешен човек, а речиси половина признале дека тоа им се случило повеќе пати. 

Но, 77 проценти се согласуваат со тоа дека на чувствата не може да им се наредува. Една третина од испитаниците се убедени дека човек може да се вљуби во повеќемина истовремено.