Врските бараат постојана работа и труд, и иако најдобро функционираат кога и двата партнери се сосема опуштени, некои  навики може да ја уништат дури и ако навистина се трудите...

Шпионирање
Никој не сака да има чувство дека постојано е под надзор, а ако имаш потреба постојано да знаеш каде се наоѓа твоето момче, многу бргу ќе те исфрли од својот живот. На секој му треба слобода.

Кавги во јавност
Кавгите се неизбежни, но ако ги правите јавно, нешто не е во ред со вас. Секако дека нема да ги премолчите сите работи, но пробај да се воздржиш додека не останете сами. Никој не го интересираат вашите несогласување, а ако имате потреба од тоа другите да ве гледаат додека вие се расправате тогаш нависитна имате проблем.

Игнорирање на проблемите
Понекогаш е подобро да премолчите поради мир во куќата, но ако станува збор за важни работи, игнорирањето може да ги уништи и убавите работи во вашата врска. Со проблемите треба да се занимавате, а ако ги пуштите да пораснат, со тек на време ќе станат преголеми за да сакате да се оптеретувате со нив.

Заборавање на себе
Многу парови на почетокот се толку преокупирани со работите кои ги прават заедно што едноставно забораваат на работите кои ги правеле пред да влезат во врска. Убаво е да имате заеднички интереси, но ако постојано сте заедно и веќе незнаете да бидете сами, со тек на време ќе почнете да си одите на нерви.