Без добра комуникација врската не може да функционира, а таа не се состои само од празни приказни. Иако е реалтивно едноставно, многу парови забораваат на важните работи кога станува збор за добра комуникација.

1. Слушање

Комуникацијата не е само празни приказни во која секој зборува што ќе му падне на памет: таа бара работа и труд, и најважно, бара меѓусебно да се слушате. Ако само зборувате, без да знаете што е тоа што сте го кажале, ефектот е како цело време да сте молчеле.

2. Земете си време

Во денешно време лесно е да се заборави да се комуницира. Кој оди на аеробик, извршува домашни работи, кој си ја тера својата работа, и се случува да помине цел месец, а вие да сте немале ниту еден нормален разговор. Земете си одредено време во денот и оставете го за зборување.

3. Вклучете се

Дури и ако се слушате меѓусебно, може да се случи другата личност да има чувство како да зборува во празно. Добрата комуникација подразбира активно слушање, поставување на прашања и враќање на разговорот. Сето останато е само половично комуницирање.

4. Скромност

Секој сака да мисли дека е во право, но некои луѓе мислат дека секогаш се во право, без да му дадат шанса на спротивното мислење. Добрата комуникација подразбира слушање и отвореност кон критика, а ако мислиш дека скогаш мораш да го преземеш главниот збор во разговорот и насилно се обидуваш да го наметнеш своето мислење, не си пријатна личност за разговор. Наместо цврсто да се држиш до своето мислење, барем дај му шанса на нечие друго, затоа што тоа ја покажува подготвеноста на компромис.