Кога гинекологот Арнол Кегел ги измислил вежбите кои им помагаат на жените кои патат од неконтролирано мокрење, не ни сонувал дека на многу дами им го подобрил сексуалниот живот...

Мускулите кои се наоѓаат на отворот на мочниот канал, вагината и аналниот отвор, со текот на времето можат толку да ослабнат што кај некои жени доѓа до инконтенција на бешиката. Во тој случај можат да помогнат вежбите кои во 1940 година ги измислил гинекологот и акушер Арнолд Кегел.

Меѓутоа, се покажа дека неговите вежби на жените им помагаат и при сексот - спомнатите мускули се доста важни за достигнување на врвот.

Мускулите на мочниот канал, вагината и аналниот отвор можат да ослабат од вишокот на килограми или после породувањето, а можат делумно да се зацврстат и со овие вежби чие што изведување е доста едноставно.

За да дознаете за кои мускули станува збор, пробајте во текот на мокрењето да ја сопрете урината. Мускулите кои во тој момент ќе ги употребите се они кои ќе ги активирате при изведување на Кегеловите вежби.

Уролозите предупредуваат дека текот на урината не го задржувате толку често за да можете да ги вежбате Кегел - на тој начин ризикувате да добиете одлив или инфекција.

Ако сеуште не ви е јасно за кои мускули станува збор прашајте го вашиот гинеколог.

Мускулите е најдобро да ги стегате и опуштате откако целосно ќе ја испразните бешиката. Во почетокот тоа правете го легнати, а подоцна можете во било која позиција, седнати или кога стоите.

Бројот на вежби постојано зголемувајте го, се препорачува пет пати на ден по десет минути.

Обратете внимание на тоа во текот на вежбањето да не ги активирате мускулите на нозете, стомакот или задникот - со тоа го намалувате ефектот.