Се запозна со супер момче, почнавте да се гледате,  но наскоро дознаваш дека неодамна раскинал со својата девојка. Тогаш се јавува сомнеж, а само со еден поглед на момчето гледаш знак за предупредување кој виси над неговата глава. Се би било супер и ќе биде, но само ако не покажува дека сеуште има чувства за својата бивша девојка. Токму поради тие причини истакнуваме неколку ситуации кои ќе ти послужат како знак за предупредување дека неговата поранешна девојка е сеуште во неговото срце...

Малку повеќе загриза од вашата врска. Постојано форсира со изјави дека ви е супер, дека сте создадени еден за друг, дека вашата врска сигурно ќе успее, а се познавате само месец време.

Оди на забави и дружења со друштво со кое излегува и неговата бивша. На тие забави никогаш не те кани тебе со оправдување дека не познаваш никој и дека сигурно ќе ти биде досадно.

Секоја прилика ја користи да ги исмејува момчињата кои ги гледа во друштво на неговата поранешна девојка или се шегува на сметка на нејзиниот нов избраник.

Често ја споменува својата бивша и те споредува со неа. Таа тоа го правеше вака, таа никогаш не му одговарала како ти, таа ова, таа она.

Понекогаш со тебе се однесува убаво, внимателен е и убаво ви е кога сте заедно, а понекогаш го фаќа период кога се ти зема здраво за готово, се расправа, не се јавува, како "земјата да го голтнала" на неколку дена.

Сеуште се слуша со бившата, а кога разговара со неа се претвара во друг човек кој ти не го познаваш - го менува изразот на лицето и одеднаш кажува убави зборови.

Со сите свои бивши останал во коректни односи, освен со неа. Откако ќе ја сретнете, постојано го менува расположението и почнува да раскажува приказни (кој си ги слушнала безброј пати) за тоа дека не сваќа што се случува со него.