Врските со тек на време ја губат страста и шармот кои владееја на самиот почеток. Сакавте целото свое време да го минувате заедно и никако не можевте да се заситите еден од друг. Но, некако во последно време се чувствуваш како твојот дечко да те става во втор план, така што повеќе внимание им посветува на работите кои порано не ги ни забележуваше. Полека почнуваш да веруваш дека си му здосадила. Провери ги причините поради кои тоа би можело да биде вистина...

Бара предизвик
Некои момчиња се палат на девојки кои за нив се недостапни, или пак се прават дека се. Изгледа дека некаде во нивната потсвест веруваат дека недостапните девојки се повозбудливи од останатите.

Не сакаат негодувања
Сите мажи се држат подалеку од жените кои имаат потреба постојано нешто да приговараат. На почетокот од врската жените се воздржуваат од таквите активности со цел да се покажат во подобро светло. Но ако ја имаат желбата за контрола, со текот на времето тоа ќе го искажуваат се погласно и појасно. Проблемот настанува поради фрустрација, која се претвора во иритација, а завршува со неподносливост на другата личност.

Повеќе сакаш да му бидеш жена одколку девојка
Повеќето девојки помислуваат на брак и деца штом ќе почувствуват сигурност во својата врска. Мажите не се толку склони кон размислување за венчање, а притисокот од партнерката би можел да ја разлоши целокупната ситуација и да го наведе момчето, за бракот како институција, да има уште полошо мислење отколку она што го имаше на почетокот.

Водењето љубов мора да биде возбудливо
Секој од нас има свои потреби кои мора да бидат исполнети, но различниот биоритам и рутината која се вовлекла во кревет, можат да бидат сериозни проблеми.Потрудете се од време на време да внесете нова сексуална поза или да го промените местото на кое водите љубов.

Не секој му треба простор за себе
Природно е да сакаме да поминуваме што повеќе време со личноста што ја сакаме, но времето кое го минуваме разделени е суштинско за врската. Потребно е да си обезбедите време и простор во кој ќе функционирате сами така што ќе имате повеќе желба еден за друг. И најубавата храна може да биде досадна ако ја конзумираме 24/7, а тоа исто важи и за личноста со која сме во врска.