Врската е нешто што повеќето од нас го посакуваат за себе, но под притисок на друштвото, поголемиот дел од нас, а посебно жените влегуваат во врска за која ниту имаат желба ниту пак се спремни. Причините за да влезете во врска се многубројни, но има и такви поради кои никогаш не треба да станете дел од неа...

Осаменост или очај
Многу девојќи својата осаменост ја лекуваат на тој  начин што влегуваат во врска. Ако на тоа го додадеме и очајот кој доаѓа од тоа што сите околу тебе се во врска, а ти никако да го пронајдеш својот принц, доаѓаме до најлошата можна комбинација: Врската која ќе ја започнете за да имате некој кој ќе ви го пополни празниот живот и ќе го направи да има смисла, многу често трае кратко, а ќе те направи и уште попразна и очајна.

Пријатели
Сите твои пријателки имаат момчиња, а ти си единствената соло. Многу девојки, од страв да не пропуштат некои важни друштвени случувања, а воедно и да не испаднат од комбинацијата со своите зафатени пријателки, ќе пронајдат момче кој ќе им овозможи влез во ноќен клуб со луѓе во врска. Излегуваето во парови, одење на кино и сите останати активности кои можете да ги правите како парови, можеби се доволен мотив, но врската која постои само поради тоа да имаш партнер за куглање не е воопшто препорачлива, а ниту пак здрава.

Проблеми
Сите свои проблеми во животот најлесно се забораваат ако имаш некого кој ќе биде со тебе во тие моменти, а врската е идеален начин да го постигнеш тоа. Убаво е да имаш некој што ќе те слуша, но со тоа нема да постигнеш многу: Освен што врската ќе ти биде исполнета со жалби, никогаш нема да научиш сама да се носиш со своите проблеми, што воопшто не е добро.

Притисок
Годините, сите твои мажени пријателки и твојот биолошки час можат да бидат толку гласни што едноставно ќе мора да пронајдеш некого со кој ќе се скрасиш. Наместо да ги слушаш сите околу тебе, послушај што е тоа што ти сама го сакаш: Ако мислиш дека сеуште не ти е време за живот во врска, тогаш зошто брзање?