Начинот на кој таа те гледа ќе открие дали е заинтересирана, или време е да исчезнеш од пред нејзините очи.

Не си сигурен дали и се допаѓаш? Ако гледа долу, а потоа со погледот „шара“ по подот, веројатно е заинтересирана, но ако те гледа право во очи, или, уште полошо, имаш впечаток дека гледа некако „низ тебе“, време е да продолжиш понатаму, велат психолозите.

Женскиот ум отсекогаш бил загатка за мажите, а однесувањето и сигналите на поубавиот пол се целосна мистерија, но неодамна спроведено истражување нуди „решение“. Дали и се допаѓате или не ќе дознаете од начинот на кој ве гледа.

Новата студија се занимавала со сигналите кои жените ги праќаат со погледот - по иницијален контакт со очите, можете да процените какви ви се шансите. Првите 45 секунди се најважни, затоа што тогаш веќе можете да видите дали е заинтересирана за вас или не.

Психологот Али Камбел вели дека е сигурен знак дека ја привлекувате ако по првиот контакт со очите го спушти погледот и почне да „шара“ по подот. „Тоа значи дека сте го привлекле нејзиното внимание, а погледот кој лута по подот оддава дека сега се преиспитува самата себе колку навистина и се допаѓате.“

Иако може да делува нелогично, жената која е заинтересирана речиси никогаш нема да ве погледне директно во очи во прв момент.

Но, ако го сврте погледот, а потоа по некои 45 секунди ве погледне во очи, тоа значи дека и се допаѓате и дека размислува дали би биле партнер кој одговара.

„Поголемиот број мажи ќе заклучат дека жената не е заинтересирана ако го сврте погледот, но тоа е неизбежно. Во човечката природа е да го тргнуваме погледот кога размислуваме за своите чувства“, вели Камбел.

Кога следниот пат ќе видите девојка која ви се допаѓа, а таа го спушти погледот - пријдете и, големи се шансите да се го привлекле нејзиното внимание.