Во секоја врска важат одредени правила, па ни овие не се исклучок. Иако на прв поглед можеби изгледа едноставно, врската на далечина е тешко да се одржи, имајќи го во предвид трудот кој е потребно да се вложи. Од прилика знаеш кога ќе ти се јави, за колку време ќе се видите. За да се ослободиш од монотонијата која ја носи врската на далечина следи ги овие неколку совети...

Секси меил
Направи фотографија од твоите најсекси гаќички и прати ја по меил на својот сакан. Сигурно ќе се воодушеви и веднаш ќе те повика на Скајп.

Кратко видео
Ако гледањето на Скајп веќе ви стана досадно, биди иновативна и сними кратко видео од една минута кое ќе му го испратиш по меил или на неговиот мобилен. Сама одлучи каква порака ќе пратиш преку него, дали ќе биде секси или љубовна. Нема да згрешиш ако ги искомбинираш и двете.

Изненадна посета
Требаше да се видите на одредена дата? Употреби мали, бели лаги! Слободно кажи му дека ти излезе нешто што не може да се одложи, и дека за жал ќе се видите во некоја наредна прилика. Се разбира ти ќе се појавиш и ќе му приредиш едно многу убаво изненадување.

Кратка порака
Да се слушате, во таква врска е задолжително, но зошто да не можеш да воведеш нешто ново? Пробај да му напишеш порака на која не мора да даде одговор. На тој начин ќе му дадеш до знаење дека мислиш на него, а телефонскиот разговор ќе се претвори во нешто што ќе го посакуваш.

Фото колаж
Секси фотографиите се многу примамливи и веруваме дека досега веќе му имаш испратено неколку такви. Наместо постојано да праќаш нешто исто, пробај да го изненадиш со колаж од ваши заеднички фотографии, кои ќе го потсетат на слатките мигови поминати заедно.