Разбирливо е на почетокот на врската да сакаш да дознаеш се за мажот кој ти се допаѓа, но важно е да му дозволиш тој да го избере времето кога со тебе ќе сподели некои приватни работи.

Чуствителни теми како раскинувањето со бившата или семејни проблеми бараат вистинско место и вистинско време. За да избегнеш непријатни ситуации, добро е да имаш на ум некои работи за кои мажите не сакаат да разговараат, посебно на почетокот од врската.

Семејни проблеми

На почетокот од врската немој да навлегувате во неговите семејни проблеми. Мажите често ја избегнуваат оваа тема и затоа нема потреба да ја форсираш. Сам ќе се отвори кога ќе му одговара.

Изливи на емоции

Ако му се допаѓаш ќе те повика и на втор состанок, ќе ти прати порака или ќе ти подари цвет. На почетокот од врската не очекувај претерано покажување на емоции и обиди се и ти да се возржиш од истото.

Сериозна врска

Златно правило: Не споменувај сериозна врска, брак и деца. Тоа знае да биде прилично застрашувачки, а мажите не сакаат себе да се прикажуваат како личноста која бара сериозна врска и љубов на својот живот, барем не веднаш на првиот состанок.

За болните раскинувања

На мажите им треба многу повеќе време отколку на нас за да ги поделат искуствата за минатите врски, посебно ако истите тие се болни. Важно им е да ја задржат својата чувствителна страна за себе, затоа причекај го вистинскиот момент за да му го поставиш тоа прашање.

Критикување

Не споменувај ги неговите недостатоци како вишокот килограми, ќелавоста, стареењето и слични работи. Без разлика дали се шегуваш на сметка на тоа или зборуваш дека тие негови недостатоци ти се симпатични, тој ќе се чувствува несигурно и ранливо. Дозволи му да биде „посилниот пол“.

Твојот бивш

Ниту еден маж не сака да слуша за твојот бивш дечко. Единственото нешто што тој ќе го заклучи од таа тема е дека се уште го немаш преболено. Поштеди го од добри или лоши приказни за твојот бивш.