И покрај идеализираната верзија на реалноста која ни ја наметнуваат филмовите, во реалноста симултаните оргазми се случуваат понекогаш, и тоа ако имате среќа.

Сериите и филмовите не бомбардираат со идеализирани прикази на секс, така што ако на филмското платно парот заврши во кревет, партнерите оргазам задолжително ќе доживеат заедно. Освен ако во позадина не се крие некој проблем во врската, без разлика дали од физичка или емоционална природа. Во реалноста, симултаните оргазми ќе се случат понекогаш, и тоа ако имате среќа.

Резултатите од различни истражувања на тема човечка сексуалност покажуваат дека истовремените оргазми попрво се исклучок отколку правило, затоа што во просек само 13% од мажите и 11% од жените изјавуваат дека често им се случува кулминција да доживеат во исто време со нивниот партнер. Дека им се случува секогаш кога имаат секс велат само 2% мажи и секоја стотта жена, а научниците порачуваат дека овие броеви се неочекувано високи...

Пораката која ни ја наметнува современата култура е прилично нереална, а ако се сфати пресериозно може да доведе до сериозни проблеми во врската затоа што луѓето стануваат разочарани поради неисполнетите ветувања.

Ако премногу се оптеретите со настојувањето оргазам да доживеете во исто време, нечии чувства на крајот ќе бидат повредени, или некој ќе глуми. Во едно истражување спроведено во Америка, 70,6% од жените изјавиле дека повремено глумат оргазам во моментот кога го доживува нивниот партнер за да не го повредат.

Кога најважното ќе стане оргазмот да го доживеете во исто време, всушност сами си скратувате добра забава. Сексот е најдобар кога партнерите му се препуштат на моментот и се фокусираат еден на друг, а не на резултатот од чинот.