Врските се полни со компромис, а без нив тешко е да се остане подолг период, но некои работи едноставно никогаш не смееш да престанеш да ги бараш.

Почитување

Прво и основно правило во врската: ако типот не те почитува, тргни се од него. Како што ти треба да го почитуваш него, и тој мора да води сметка за своето почитување кон тебе и да покажува дека те цени. Ако тоа не го прави, пронајди некој нов.

Доверба

Ако не му веруваш, тешко е да очекуваш да имате квалитетна врска. Довербата се заслужува и одржува, а ако типот веќе неколку пати те изневерил, попрво најди некој кој ќе знае да го цени фактот дека е со тебе. Неверните типови никогаш не се добри партнери.

Сигурност

Типот со кој се чувствуваш сигурно и заштитено е вистинскиот за тебе. Не станува збор само за тоа да те чува од напорни типови во клубот кои ти се пуштаат - со вистинскиот тип ќе се чувствуваш сигурно во сите животни ситуации, затоа што знаеш дека секогаш можеш да сметаш на него.

Финансиска поддршка

Не зборуваме за тип кој го финансира твојот животен стил додека ти седиш дома и ништо не работиш, туку за еднаква одговорност: ако си жена која има работа и заработува за себе, не заслужуваш ништо помалку од тип кој ја прави истата работа. Типот кој едноставно не сака да бара работа затоа што му е сосема пријатно да ги зема твоите пари никако не е материјал за врска.

Воодушевување

Типот мора да те гледа како што заслужуваш: ако се трудиш околу него и правиш се за врската да биде што подобра, во најмала рака мора да ти покаже дека го забележува тоа. Ако те третира како некој кој мора да се труди и не планира да возврати со иста мерка, време е да пронајдеш некој кој ќе го направи тоа со задоволство.