Сакате да се бакнувате како професионалец?
Вам слатките бакнежи со саканата не ви значат многу, ама неа и значат премногу. Овој факт треба да ви биде доволен за да научите нешто за тоа. За среќа, ние сме тука за да ви помогнеме со неколку важни совети за некои од најчестите типови на бакнежи.
Прв бакнеж
Преку начинот на кој прв пат ќе ја бакнете девојка таа ќе дознае многу за вас. Важно е тоа да го направите како што треба и да не се нафрлите на неа како бесно торнадо. Дајте и време да се подготви, за да не си ги судрите главите или забите. И не плашете се нежно да ги допрете нејзините усни со своите.
Бакнеж во јавност
Неколку студии во последниве години покажаа дека паровите кои повремено покажуваат умерена доза на нежност во јавноста се поповрзани отколку оние кои тоа го прават ретко или никогаш. Акцентот во овој случај се става на умереноста, бидејќи никој не ги сака оние напорни парови кои не можат да ги тргнат рацете еден од друг, притоа не бирајќи време и место. Опуштете се и бидете спонтани со саканата личност, не плашете се да покажете малку нежност тогаш кога најмалку очекува. Дури и краток бакнеж ќе направи чудо.
“Те посакувам сега и тука” бакнеж
Ова е момент кога "го пуштате ѕверот од синџирот". Страсно притиснете ја до ѕидот, поминете со прстите по нејзината коса и играјте си со јазиците. И не плашете се дека ќе изгледате премногу агресивно, повеќето жени немаат ништо против одлучен машки настап. Во моментот кога страстите ќе се разгорат нема повеќе време за љубовни изјави и слатки бакнежи.
Бакнеж за време на секс
Сакате ли да оставите позитивен впечаток како љубовник, тогаш не треба да заборавите колку е важно да ја бакнувате партнерката за време на сексот. Тоа не значи дека усните цело време треба да ви бидат споени, но повремениот страсен бакнеж е одличен начин да направите таа да се чувствува посакувано и сакано. И сигурно не мораме посебно да ви објаснуваме дека усните не се единственото место каде што можете да ја бакнувате.
Милионити бакнеж
Откако ќе поминете одредено време во врска со жена со која го делите креветот, машината за перење и животот, работите може да станат здодевни, а бакнежите обично се првата "жртва" на тоа. Тоа е и причината зошто не треба да се откажете од редовните бакнежи, дури и ако се само формални. Истражувањата покажаа дека мажите им пренесуваат тестостерон на жените преку својата плунка, хормон одговорен за одржување на сексуалната желба кај жената. Сега одеднаш бакнувањето и не е толку глупава работа, нели?
