Ако се сомневате дека вашиот дечко се уште е врзан за својата бивша, откријте ја вистината со помош на овие знаци.

Не штеди погрдни зборови на неа

Иронично, но вистинито - тоа што секогаш ја споменува во негативен контекст не значи дека ја има и преболено. Напротив. Тоа само може да укаже дека се уште се наоѓа на емотивна „клацкалка“ кога бившата е во прашање. Таму каде што има лутина и бес, има нерасчистени сметки... можеби дури и љубов.

Не знае да наведе причини за раскинувањето

Кога во разговорот ќе дојдете до нивното раскинување, поставете му директно прашање за причините за раскинување. Ако ви каже дека не ги знае или пак нешто крајно „извртено“ избегнувајќи ја сопствената улога во тоа раскинување, тоа може да ви укаже на фактот дека се уште не е начисто со тоа дека е крај на неговата претходна врска.

Зборува за вашата иднина

Колку и да сакате ова да е знак за неговото „оздравување“, мораме да ве разочараме. Доколку мажот на самиот почеток од врската не се штеди на изливи на љубов и планови за иднината, најверојатно се обидува да се врати на атмосферата од својата претходна врска, наместо да ја „проболува“ на потешкиот начин - сам.