ПРОЛЕТА стаса, а со неа и многу прилики за супер состаноци со вашиот парнер. Овој пат оставете ги застарените идеи, како што се одење во кино или гледање телевизија, и одлучете се за еден вистински пролетен состанок..

Пикник
Спремете кошница полна со сендвичи и слатки, старо ќебе и некоја друштвена игра. Поминете го денот на сонце, и однесувајте се како повторно да се запознавате со вашиот партнер. А доколку наидете на некое доволно скришно место, може да си дозволите и еден брз секс.

Организирајте авантура
Заборавете малку на кратките прошетки и држењето за раце. Облечете удобни обувки за планинарење, и започнете со истражување на некоја шума. Престојот во природа ќе ве зближи со вашиот партнер, ќе ви ги изостри сетилата, само треба да бидете сигурни дека знаете каде се движите, доколку не сакате да ја преспиете ноќта во темната шума.

Однесувајте се како средношколци
Наместо да договорите состанок кој е типичен за повозрасните луѓе, разбудете ги вашите спомени од средношколските денови и одете во луна парк. Возењето на автомобили, возот на смртта или посета на куќата на стравот, се дел од местата на кои можете да се забавувате. Сите авантури на крај можете да ги завршите со вкусна шеќерна волна.