Мажи внимавајте, вашите поубави половини повеќе би сакале да ве видат со престилка во кујната отколку во кревет...

Едно австралиско истражување спроведено на над 1.000 жени покажало дека половина од испитаничките повеќе преферираат мажи во кујна одошто акција во спалната соба.

Студијата на агенцијата за истражување на пазарот "Emperica Research" покажала дека ако мажите навистина сакаат да бидат романтични тогаш треба да престанат да и подаруваат ружи на партнерката и да почнат да и подготвуваат вкусни јадења.

Дури 90 проценти од испитаничките наместо цвеќе сакаат сопругот да им зготви вечера, а 77 проценти од жените се импресионирани од мажите кои се вешти во кујната.

Анкетата покажала и дека жените повеќе сакаат кога сопругот извршува класични домашни работи отколку “машки работи”, како поправки низ домот. Сите рекле дека најмногу помош им треба во готвењето, смукањето со правосмукалка, чистењето на бањата или миењето садови.

Иако ова истражување е спроведено во земја со поинаков менталитет од нашиот, не е тешко да се заклучи дека и припадничките на понежниот пол од нашите краишта посакуваат сличен ангажман од своите сопрузи – повеќе работа по дома и во кујната.