По ладната зима стигна пролетта и топлите денови кои пружат многу можности за уживање во природа. Шетајте, правете скара... а можете и да се „сакате“.

Автомобилот може одлично да ве заштити од пролетни дождови. Додека се враќате од излет, на пример, наместо да одите право дома скренете малку од патот... Шумско патче, чистинка или ливада се идеални места вие и партнерот да си се посветите еден на друг. Внимавајте на рекреативците, луѓе кои ги шетат своите кучиња... Изберете место кое гарантира целосна интима.

И паркот е океј, но само ако не е многу популарен. Ако на страстите им се препуштите на клупа, не би било лошо да се покриете со ќебе или нешто слично, поради хигиена, но и за заштита на колената, на пример.

И меката трева е некогаш подобра од домашната постела, но морате да имате на ум дека крлежите во овој период од годината се посебно активни. И овде покривачот е пожелен.

Ако за викендот сте отишле до море, не пропуштајте ја шансата за секс на плажа. На плажата има многу место и треба само мудро да изберете за да не ја нарушите ни туѓата, ни вашата приватност.

А во природа да понесете шатор? Тогаш не е важно дали се работи за сончев ден или залез на сонцето, за популарно место или напуштена шумичка, затоа што вие имате свое „скривалиште“.

Иако, ни во тој случај не треба да бидете гласни, без оглед на тоа дали се работи за воздишки или кикотење, затоа што така ќе ризикувате да ве откријат.

Во секој случај - уживајте. Метеоролозите предвидуваат сончев и топол викенд.