На првиот состанок можеби не можеш толку добро да го запознаеш за да оцениш дали тој е господин Вистински, но првиот состанок може многу да каже за неговиот карактер и став...

Романтичната страна на ресторанот

Дошол по тебе со цвеќе во рака и ве одвел во убав ресторан каде сте вечерале со вино, свеќи и звук на виолина. Звучи совршено, тој е кавалер без сомнение. Ваквиот гест можеш да го протолкуваш како знак дека му се допаѓаш, но секако отсекогаш постои сомнеж дали оваа негова рутина е со сите девојки кои излегува. Слушнете ја вашата интуиција.

Неговиот стан

Те повикал на вечера кај него, станот е уреден, а од кујната се шири мирис на вкусна храна. Тоа што те повикал во својот интимен простор е многу добар знак, поготово ако се труди околу спремањето на станот, но ова исто така може да биде и добра тактика за да ти влезе во гаќите. Одреди ги сопствените граници и пази на количината алкохол.

Необичен кафе бар

За првиот состанок одбрал старомоден кафе бар или старомоден паб. Сте испиле кафе, сте јаделе кроасани и сте зборувале на различни теми. Тој е креативен и реален тип. Те одвел на своето најдраго место во градот, но ако за првиот состанок одбрал кафе и пециво, можно е да имаш работа со скржавец и немојте да се зачудите ако очекува да го платите својот дел.

Семеен ресторан

Те одвел во ресторан кој е омилен на неговото семејство, не е премногу скап но не е ниту ефтин ресторан. Можеш да бидеш сигурна во неговата лојалност. Единствената негова мана која би можела да стане товар е тоа што е претерано детинест.