Знаете ли дека 90% од луѓето своите намери ги искажуваат преку држењето, движењата и тонот на глас? Се разбира дека е важно тоа што личноста ви го зборува, но тоа може да биде сосема спротивно од тоа што го чувствува. Како да ја препознаете разликата? Обрнете внимание на тоа што ви го кажува неговото тело пред да ги слушнете зборовите. Би можеле да останете изненадени.

Го гледате прв пат

Првата работа која треба да ја имате на ум при дешифрирање на неговите сигнали е тоа дека момчињата се прилично очигледни во своите намери. Значи, го гледате прв пат во толпа и својот поглед тој го усмерува кон вас. Потоа ја покрева веѓата, го исправа своето држење и ви се смешка. Тоа значи дека сте го добиле неговото внимание. Или некој кој стои зад вас.

Флертува ли тој со вас?

Пред да се најдете со него на состанок, запомнете го фактот дека мажите не ја слушаат, не ја допираат и не ја гледаат во очи жената која не им се допаѓа. Ако е задлабочен во разговор и ги прави горе наведените работи - му се допаѓате. Уживајте во флертот и игнорирајте го фактот дека би можел да ве лаже и да ви рече дека не флертува со вас. Тој е фраер, но вие го читате ова што значи дека сте два чекори пред него.

Дали сте само пријатели?

Не сте сигурни дали ве гледа како пријателка или како потенцијална партнерка? Најпрво се запрашајте дали се однесува кон вас како кон жена или како кон пријателка од забавиште. Тоа што понекогаш ве прегрнува и ве бакнува во образ всушност не значи ништо. Меѓутоа, ако погледот често му бега кон други жени и своето тело го отвара во нивна насока наместо во ваша - тогаш не ве смета за материјал со кој би излегувал.

Време е да поразговараме

Пред да почнете да разговарате со партнерот за тешки теми, проверете го неговиот говор на телото со кој ја покажува својата подготвеност на разговор. Ако погледот му е вперен удолу или гледа некаде во далечина, значи дека не е подготвен за дискусија. Истото вреди и за прекрстени раце или нозе. Ако ви вели дека сака да разговара и покрај наведените пози на телото, пробајте да го наведете на прошетка или било која друга активност со помош на која ќе ја промени својата положба. Ставот на телото создава позитивен или негативен момент, но ако забележите дека и понатаму не е заинтересиран за расправа - немојте да навалувате.