Пречестата сексуална активност, според традиционалната кинеска медицина, може да ја намали вашата витална сила и да предизвика предвремено стареење...
Затоа како и за се останато, и тука важи правилото: ни премалку, ни премногу... А колку секс е премногу?
Кинезите со векови го пренесуваат учењето дека пречестото водење љубов може да предизвика слабост во грбот и зглобовите, предвремена ејакулација (кај мажите) и проблеми со секретот (кај жените).
Но, колку секс е премногу, зависи од тоа колку години имате. Поточно, во помладата возраст нормално е да имате поактивен сексуален живот, а подоцна со падот на естрогенот или тестостеронот, слабее и сексуалната желба.
Еве неколку основни насоки:
Пред 30-тата година – Женската сексуална енергија го достигнува врвот на 28 години, а машката на 32. Можете да имате секс секој ден, а да не ја нарушите вашата животна енергија.
Помеѓу 30 и 35 години - Во овој период оптимално е да имате секс два до три пати неделно.
Меѓу 35-тата и 42-та година – Женската сексуална енергија се намалува по 35-тата, а машката после 42-та година. Во овој период, доволно е да се води љубов еднаш или два пати неделно.
По 42-та година - Многу жени во овој период влегуваат во менопауза. Тогаш сексуалната енергија и понатаму oпаѓа и веројатно, постепено се намалува либидото. Секс еднаш неделно или еднаш на секои две недели се смета за доволнo.
