За водење љубов не ви требаат упатства, но по некое усмерување понекогаш е добредојдено, посебно ако се работи за мажи кои се, на пример, над или под просечно надарените. Ако сакате да доживеете совршен сексуален однос со партнерот, испробајте една од овие пози за „големи и мали“ љубовници.

Најдобра поза за надарените

Иако големината во поголемиот број случаи не игра улога, многу е важно двајцата партнери да се чувствуваат удобно и на крајот да доживеат кулминација. Една од најдобрите пози за многу надарените мажи е кога мажот лежи на страна, а жената странично од него, со раширени нозе и со нозете го опфаќа торзото на мажот. Оваа поза, иако необична, ѝ овозможува на жената да го контролира својот маж.

Најдобра поза за подпросечните

Со оглед на тоа дека е докажано дека и малиот пенис може целосно да ја задоволи жената, тоа што игра голема улога е техниката односно движењата и положбата. Најдобра поза е онаа во која мажот доминира односно во која се наоѓа над жената. Класичниот doggy style со кружни движења или мисионерската положба во која жената ги држи нозете на рамењата на партнерот се пози кои ќе ја задоволат секоја жена.

Најдобра поза за оние кои „брзаат“

За да доживее оргазам, на жената ѝ е потребно време, а понекогаш се случува партнерот тоа време никако да не може да го дочека. Позата во која мажот седи на работ на креветот со нозете на подот, а жената му седи во скутот со нозете околу половината и рацете околу вратот е совршен избор за двајцата партнери. Во ваква поза триењето е многу слабо, па предвремената ејакулација речиси сигурно е одложена.