Совршена девојка не постои, што е сосема во ред, бидејќи не постои ни совршен дечко. Сепак ако сакаш да бидеш приближно до идеалот, ова се квалитетите кои е добро да ги поседуваш:

Биди независна

Јасно е дека ќе сакате да поминувате време заедно, но тоа не значи дека мора да престанете да се дружите со другите луѓе. Иако можеби тешко се разделуваш од својот дечко, мораш да имаш и пријатели освен својот дечко.

Имај почит

Исто како што очекуваш дека твојот сакан те почитува, мораш и ти да го почитуваш него. Тоа значи воздржување од понижување пред пријатели и инсистирање на она што ти си го зацртала. Немој да се обидуваш да го промениш: Ако имаш листа на работи кои не ти се допаѓаат кај него, веројатно не е вистинскиот за вас.

Верувај му

Ако си имала искуство со изневерување од минатите врски, сосема е јасно дека ќе ти треба некое време да почнеш да им веруваш на другите луѓе. Но, тоа никако не значи дека смееш да бидеш сомнителна кон својот нов дечко и да го обвинуваш за работи кои се случиле со некој друг: Во врската секогаш е добро да се влегува со свеж став за љубовта, бидејќи единствено така е можно да се успее.

Бирај ги расправиите

Мажите не поднесуваат девојки кои константно досадуваат поради нешто, ако веќе мораш, избери за што ќе се расправате, а што можеби сепак ќе му премолчиш.

Биди љубезна

Дури и ако неговите пријатели не ти се допаѓаат, обиди се да се воздржиш и не им го покажувај тоа. Колку и да ти одат на нерви, тие биле овде и пред тебе, а ако им замериш, многу лесно можеш да го увериш својот драг дека не си баш најдобар избор.

Покажи му љубов

Лесно е да се каже дека го сакаме, но ако му покажеш љубов, тоа сигурно многу повеќе ќе го цени. Покажи му како се чувствуваш со мали гестови кои сигурно ќе го направат среќен, а тој сигурно ќе ти возврати со иста мера.