Сигурно имаш барем една пријателка која секогаш е во врска...
Кога ќе кажеме секогаш, не мислиме на една долгорочна врска, туку скокање од една врска во друга. Веднаш штом раскине со дечкото, веќе е повторно вљубена во некој друг. Можеби мислиш дека оваа девојка има среќа со мажите, но психолозите тврдат дека ваквите личности се "зависници од љубов".
Според психолозите, се повеќе луѓе имаат проблем со врзувањето и доставувањето зрел однос со парнерот. Затоа советуваат дека секоја личност, пред воспоставување на однос ќе се запраша: "Морам ли да бидам во врска за да се чувствувам подобро и да ги одвратам мислите од проблемот?" и "Морам ли да ја најдам вистинската личност што побрзо ?".
Зависниците од љубовта стравуваат дека можеби засекогаш ќе останат сами, па влегуваат од врска во врска барајќи ја на тој начин својата сродна душа и личноста со која ќе живее среќно до крајот на животот. Но, начинот кој го одбрале е сосема погрешен, затоа што често доведува до многу разочарувања.
Посакувајќи што порано да се врза за некого, врската на самиот почеток ја етикираат како "сериозна" и така игнорираат некои потенцијални проблеми. За да запознаете некого, потребно е време и тоа е причината зошто психолозите советуваат дека паузата помеѓу двајца е најважна.
Ако и себе се препознаеш во овој текст: Забави! Кога ќе почнеш да излегуваш со некој, немој да брзаш, пушти ги работите сами да се одвиваат и дефинираат. По пропадната врска, потребно е време за да знаеме што сакаме од животот. Најважно е да го направите "својот живот" поубав кога ќе дојде вистинската љубов.
