Зошто некои девојки никако не можат да го исфрлат поранешниот од својот живот...?

Некои го гледат сексот со поранешниот како слабост против кој не можат да помогнат, некои со поранешните спија иако се во нова врска, а трети се сами но сосема им е нормално да продолжат повремено да спијат со поранешните размислувајќи дека долго биле заедно и дека тоа е добар начин на забава додека некој нов не влезе во нивниот живот.

Зошто доаѓа до секс?

Најчестите причини поради кои поранешниот ни е се уште привлечен се копнежот за љубов, страв од осаменост, обид повторно да го придобиеме или љубомора за нова личност во неговиот живот. Чести причини можат да бидат и чувство на вина или емпатија.

Што носи сексот со поранешниот?

Сексот со поранешниот носи возбуда на забрането овошје, задоволство без обврска, тензија и враќање на старите страсти и емоции.

Кои се последиците?

Во овој случај, не постои правилно или неправилно однесување. За двајцата е важно да знаете што треба да очекувате, односно што тој секс значи за вашиот однос. Значи ли помирување или само задоволување на физичките потреби. И двајцата партнери треба да имаат еднакви очекувања за никој да не биде разочарен или повреден.

Предности или недостатоци

Чистото задоволување на сексуалните потреби со повремени средби со поранешните е ок ако сте и двајцата слободни. Тој сепак е тај кој добро те познава и знае да те задоволи. Но, ваквите дружења имаат често и негативна страна, односно проблем со емотивно поврзување кое често се јавува кај жените. Сексот е супер, добро се согласувате, чувството повторно се појавува и мораш да се соочиш со фактот дека тој не мисли така.

Сексот со поранешниот е изневерување

Што значи секс со поранешниот за новата врска? Значи изневерување, како и било кој друг секс кој не е со твојот дечко. Немој да се измамуваш со изговори дека се е ок бидејќи новиот дечко не го познаваш добро, а со поранешниот не сакаш да се смириш. Изневерување си е изневерување.