Сексот е подрачје во кое секогаш се преиспитуваме мислејќи дека не сме доволно добри љубовници. При тоа често се преклопуваат митовите и легендите за сексот кои ни наметнуваат дополнителни очекувања во сексуалната вештина. Проверете 4 митови кои можете да ги заборавите уште истата секунда.

МИТ: Мажите се попромискуитетни од жените
Вистина: По сексуалната револуција во која жените го зедоа својот дел од моќта, срушени се некои предрасуди. Жените ја пуштија својата сексуалност и ни малку не заостануваат зад мажите по бројот на партнери со кои воделе љубов.

МИТ: Мажите сакаат секс почесто од жените
Вистина: И жените сакаат секс, но во честото изразување на желбата ги спречуваат мноштво обврски. Покрај работата, жените имаат и многу одговорности врзани за домот и семејството, поради што можат да бидат многу исцрпени. Освен тоа, хромоналните промени можат да предизвикаат најразлични емоции. Поради сето тоа жените нема да ги молат мажите за секс како што тие знаат да им прават кога им е до галење меѓу чаршафите.

МИТ: Среќните парови постојано уживаат во добар секс
Вистина: Паровите со долготрајни врски често запаѓаат во рутина. Тоа е нормална појава, па затоа е добро од време на време да се зачинат работите. Препуштете и се на фантазијата.

МИТ: Најдобриот секс е спонтаниот
Вистина: Во спонтаниот секс има многу возбуда, но и испланираниот секс донесува врвно искуство. Кога го планирате сексот, непрекинато размислувате за него, што креира сексуална атмосфера. Што повеќе одолговлекувате, уживањето ќе биде поголемо.