Едно истражување покажало дека за луѓето ширум светот главниот извор на среќа е нивниот сопружник или партнер со кој делат и добро и зло...
Како што пренесува агенцијата Ројтерс, две третини од испитаниците изјавиле дека главниот извор на нивната среќа е личноста со која живеат, без разлика дали станува збор за брачниот другар или љубовен партнер.
Речиси половина од сите осамени рекле дека нивна најголема желба е да се вљубат, додека 45% од нив признале дека пронаоѓањето на партнер им донело најмногу среќа.
Најсреќните во бракот или врската се јужноафриканците. Од нив 82% рекле дека најмногу ги усреќува животот со партнерот.
На другиот крај од листата се јапонците и јужнокорејците од кои 50% од двоумењето признале дека саканата личност е заслужна за дел од нивната среќа.
За околу 38% паровите, најдобрата работа во врската е сексот, што посебно важи за бразилците, од кои 60% рекле дека ништо неможе да ги усреќи повеќе од добар секс.
Јапонците, јужнокорејците и британците, сепак, даваат предност на некои други квалитети од животот. Само 15% од јапонците сметаат дека сексот е главниот извор на задоволство.
Осамените во Индонезија се најмногу загрижени за наоѓање на партнер. Речиси 70% од испитаниците во оваа земја рекле дека ништо не може повеќе да ги усреќи од пронаоѓање на сродна душа, а слично мислат и 57% турци и 56% мексиканци.
Истражувањето кое го направила агенцијата Global Public Affairs, опфатиле 21.248 луѓе во 24 држави.
