Паровите се караат најмногу во јануари, а во овој месец од годината се караме најмалку 8 минути на ден, покажува британско истражување...

Лошото време, мрачните денови и отежнатата финансиска состојба водат се повеќе луѓе да си седат дома и тоа станува причина за бројните кавги. 65% од учесниците во анкетата изјавиле дека тие прекинале со партнерот во јануари.

Британците поминуваат во просек 14 часа и 48 минути на ден дома во јануари и имаат 20 кавги со партнерот. Тоа значи дека во првиот месец од годината караниците со партнерот траат вкупно 4 часа. Истражувањето е направено по барање на осигурителната компанија Sheilas `Wheels.

За сметка на тоа во текот на летото, жителите на Островот поминуваат само по 10 часа и 5 минути дома и имаат 16 кавги. 40% од Британците тврдат дека страдаат од јануарска депресија, а 46% сметаат дека јануари е најдепресивниот месец во годината.

"Недостатокот на сончева светлина не тера да се чувствуваме летаргични и депресивни, а недостатокот на вежби можат да не направат надразнети, експлозивни и стресни. Кога ќе дојде до финансиски проблеми и прекумерно празно време со нашите парнери, се создава идеален рецепт за кавга", вели психологот Дона Досон.