По раскинувањето, на мажите во просек им е потребно околу месец дена да се „скршат“ и да го променат својот статус на Фејсбук од „во врска“ во „сингл“. Жените во поголем број од случаите тоа го прават во првите 24 часа.

Неодамнешно истражување покажало дека 63% од мажите кои штотуку поминале низ раскинување на врската чекаат четири недели, или и подолго, пред да го променат својот статус на Фејсбук. Жените својот статус најчесто го менуваат веднаш или во рок од неколку дена.

Околу 8% од мажите воопшто и не го менуваат статусот, околу 30% од нив се подготвени да признаат дека ги оставила девојката, а само 15% од припадниците на посилниот пол можат да ја признаат и причината поради која дошла до раскинување на врската.

Од друга страна, девојките статусот го менуваат многу побрзо, а често таа промена ја следат и слики на кои се смеат и се добро расположени, така што делува како раскинувањето да не ги погодило, покажаа резултатите од анкетата на сајтот за запознавање LovingSpace.

„Резултатите од анкетата која ја спроведовме покажува дека изгледа на мажите раскинувањето повеќе ги погодува, што се гледа и по тоа што својот ‘пораз’ со недели го кријат од семејството и пријателите. Од друга страна, жените изгледа гледаат попозитивно на целата ситуација и раскинувањето не ги спречува да ‘продолжат понатаму’“, изјави портпаролот на сајтот.