Тоа што велите дека го сакате од партнерот не се согласува секогаш со тоа што навистина го барате. Посебно кога се работи за тоа колку е секси вашиот потенцијален партнер, покажа нова студија.

Студијата објавена во стручното списание Journal of Personality and Social Psychology покажала дека колку и луѓето да зборуваат дека бараат паметна личност на која можат да ѝ веруваат и која ќе ги насмева, сите имаат потсвесна желба да добијат сексуално атрактивен партнер. Тоа се однесува подеднакво и на мажите и на жените.

„Луѓето со задоволство ќе ви ги кажат кои се пожелните вредности кај потенцијалните партнери“, рече научникот Илај Финкел. „Но, според тие особини не може да се предвиди кој навистина ќе ги привлече кога некој лично ќе запознаат“.

Токму тоа е една од причините зошто голем дел од паровите кои се споени со помош на некоја агенција или интернет страница едноставно не си одговараат еден со друг, иако профилите совршено им се вклопуваат.