Со таа личност си поминуваш многу добро: одите во кино, шопинг, водите долги телефонски разговори, се смеете... Дали сте само пријатели или колеги? Еве неколку знакови кои можат да ја решат таа дилема.

Сте си дале прекари еден на друг кои само вие ги употребувате. Освен тоа, постојат одредени шеги кои само на вас двајца ви се смешни додека другите воопшто не ги разбираат.

Ако на тоа го додадете фактот дека се почесто патемно се допирате, тогаш вие сигурно не сте само пријатели.

Освен што се слушате по телефон за да се договорите кога и каде ќе се видите, разменувате и SMS пораки со шеговити содржини.

„Замисли што ми се случи...“, „Слушнав добар виц...“, „Распродажба во градот...“, се само повод за да се јавите.

Ако не можете да заспиете додека не се слушнете по телефон или со првото утринско кафе задолжително му се јавувате на „пријателот“ за да проверите како спиел, сосема сигурно сте заљубени во истиот.

Се гледате секој ден? Часовите ги поминувате заедно и никако не сакате да се разделите?

Прашање на време е кога ќе се бакнете... „филмски“, не другарски.