Кажано е дека повеќето мажи преферираат плавуши, но изгледа дека тоа е точно само кога станува збор за разговори и дружења за една вечер...

Се покажало дека иако преферираат да водат разговори со дами со светла боја на косата, мажите всушност ги сметаат бринетите за попривлечни, покажува британско истражување.

За целите на експериментите научниците од еден универзитет испратиле една жена во три ноќни барови во Лондон, на почетокот косата и била црна, потоа руса, и на крајот - црвена. Тие набљудувале колку мажи ќе и пријдат.

Потоа тие ги посетиле истите клубови и побарале од 130 мажи да ги проценат нејзините слики во трите различни бои на косата. Најмногу мажи пројавиле желба за разговор кога дамата била со руса коса. Но, таа добила највисока оцена за привлечност и интелигенција како бринета, пишуваат авторите на истражувањето објавено во "Scandinavian Journal of Psychology". Како русокоса жената била во разговор со вкупно 60 мажи, како бринета со 42, а како црвенокоса со 18.